BE.131 Logu no.87
BATANG AEK USEHONONKU

Ayat 1
Batang aek usehononku Ninna Debatanta i
Ingkon bornok bahenonku Tano na mahiang i
Parhorsihan sasude Ingkon gabe porlak be.

Ayat 2
Sai lambas dope na hasang Ala hona toru i
Israel dope na jalang Sian Mesiasna i
Nang sipelebegu pe Na mansai torop dope.

Ayat 3
Ingkon jumpang do hataNa Ai burju do Tuhan i
Ingkon saut pinarbagaNa Naeng sangap goarNa i.
Ingkon do tandaon ni Nasa bangso Tuhan i.

Ayat 4
Ala ni ringgas ma hita Mangarahon dongan i
Tapaborhat ma pandita Tu sude na lilu i
Asa bongotonna be Hasonangan i muse


Ayat 5
Nang leleng so marparbue Na tahalojahon i
Unang olo be mandele Hita na porsea i.
Na marhabengeton i Do dapotan tumpal i.

Ayat 6
Sai tangihon, ale Jesus Pangidoannami on
Sangkapnami ma patulus Gok ma baen portibi on
Dohot hasangaponMi Sai pararat hataMi.
